Napili ang tatlong eskwelahan sa Cavite na makakatanggap ng Google Chromebooks para sa National Pilot Program ng Department of Education (DepEd).
Ang Chromebook ay isang ‘Google Online Tool’ o laptop na mas pinasimple at pinadali ang pag-access sa iba’t ibang serbisyong inihahatid ng Google para sa mga guro at estudyante.
Dagdag pa rito, ang naturang laptop ay maaaring magamit ng mga guro o estudyante sa remote learning o online class.
“Congratulations to Bucal National Integrated School, Indang National High School and Gen. Vito Belarmino Integrated National High School for being selected as recipient schools of Chromebooks for the National Pilot Program toward a new way of delivering classes through Google Online Tools,” pagbati ng DepEd Tayo Cavite Province sa kanilang Facebook noong Abril 14.
Sa kabuuan, 15 paaralan ang napili ng DepEd na mahahandugan ng mga laptop mula sa Google upang maihatid ang mas madali at modernong paraan ng pagtuturo at pagkatuto.
Thumbnail photo by Andrew Neel on Unsplash
