Tila magsasama-sama sa kulungan ang kanyang mga nabiktima at ang isang 25-anyos na babae na nagpanggap na abogado sa Silang, Cavite.
Ito ay matapos matuklasan na peke ang mga dokumentong natanggap ng mga awtoridad.
Sa bisa ng arrest warrant, balik-rehas ang tatlong biktima na nauna nang inaresto dahil sa kasong pagnanakaw at iligal na droga dahil peke umano ang release order na ipinasa nila sa pulisya.
Ayon sa ulat ng Cavite Police Station, nagmula umano ang pekeng dokumento sa ginang na nagpakilalang abogada at nag-alok sa mga biktima ng tulong para sila ay makalaya.
Nagbayad umano ng halos P300,000 ang mga biktima sa suspek ngunit kalauna’y napagtanto nila na pineke umano ang kanilang mga dokumento.
Posibleng maharap sa kasong estafa at falsification of public documents ang ginang.
Sa eksklusibong balita rin ng ABS-CBN News, napag-alaman na dati nang naaresto ang ginang matapos niyang magpanggap naman bilang isang pulis noong 2020.
