Month: April 2025
10 posts
Lapu-Lapu Festival ng mga Pinoy sa Canada nauwi sa aksidente
Isang trahedya ang naganap sa Vancouver, Canada kung saan inararo ng sasakyan ang mga dumalo sa Lapu-Lapu Festival, na ikinasawi at ikinasugat ng ilan. Nagpahayag ng kalungkutan si Mayor Ken Sim at nanawagan ng mas mahigpit na seguridad. Nagpaabot din ng pakikiramay si Canadian Prime Minister Mark Carney. Patuloy ang imbestigasyon ng mga awtoridad sa insidente.
Mayor Denver Chua, umalma sa vote buying issue
Nilinaw ni Cavite City Mayor Denver Chua na wala siyang kinalaman sa alegasyon ng vote buying matapos makatanggap ng show cause order mula sa COMELEC. Iginiit niyang walang basehan ang reklamo at bahagi lamang ito ng maruming pulitika. Binigyang-diin niya ang kanyang dedikasyon sa pagsunod sa batas at pagpapanatili ng integridad ng halalan.
NBI, sinampahan ng kaso ang apat na vloggers dahil sa pagpapakalat ng fake news
Sinampahan ng NBI ng kaso ang apat na vlogger dahil sa pagpapakalat umano ng manipulatibong video na naglalaman ng maling impormasyon, kabilang ang panawagang huwag nang magpadala ng remittance ang mga OFW. Ayon sa NBI, binago ng mga vlogger ang konteksto ng video para linlangin ang publiko.
CvSU-Kawit Itatayo na: Mayor Aguinaldo at Cong. Jolo Revilla pinangunahan ang pagpaplano
Inanunsyo ni Mayor Angelo Emilio Aguinaldo ng Kawit, Cavite ang pagtatayo ng bagong kampus ng Cavite State University (CvSU) sa kanilang bayan, sa pakikipagtulungan kay Congressman Jolo Revilla. Layunin nitong magbigay ng mas abot-kayang edukasyon sa mga kabataan ng Kawit at karatig-lugar, kasabay ng planong pagtatayo ng bagong munisipyo at Tangulan Arena para sa mas maayos na serbisyong pampubliko.
Cavite, posibleng umabot sa 44°C Heat index; mahigit 55 lugar apektado ng matinding init — PAGASA
Naglabas ng babala ang PAGASA noong Abril 14 ukol sa inaasahang 44°C na heat index (danger level) sa Cavite para sa araw na iyon, kasunod ng naitalang 47°C sa Sangley Point noong Abril 13 (Linggo ng Palaspas). Mahigit 55 lugar din sa bansa ang inaasahang nakaranas ng mapanganib na heat index noong Abril 14. Pinaalalahanan ang publiko na patuloy na mag-ingat sa matinding init, lalo na noong nagdaang Semana Santa (Abril 13-19), sa pamamagitan ng sapat na hydration at pag-iwas sa direktang sikat ng araw at matinding gawain sa labas.
Mayor Aguinaldo, pinabulaanan ang Allegasyon ng Anomalya; Kawit, Nakapagtala ng Zero Disallowance mula COA
Pinabulaanan ni Kawit Mayor Angelo Aguinaldo ang mga alegasyon ng anomalya laban sa kanya, na aniya'y gawa-gawa lamang ng "Cavite News" upang siraan siya ngayong papalapit na ang eleksyon. Iginiit ng alkalde na patunay ang zero Notice of Disallowance mula sa COA na malinis at maayos ang kanyang pamamahala sa pondo ng bayan. Hinikayat niya ang publiko na maging mapanuri sa mga ibinabalita at muling tiniyak ang kanyang dedikasyon sa tapat na paglilingkod.
COMELEC sinimulan na ang deployment ng counting machines para sa Halalan 2025
Nagsimula nang i-deploy ng COMELEC ang mga Automated Counting Machine (ACM) para sa May 12, 2025 midterm elections, na may paunang 3,700 units na ipinadala sa Mindanao. Target makumpleto ang deployment ng kabuuang 110,000 ACMs bago ang final testing and sealing. Kasalukuyang sinusuri ang mga makina, at naghahanda rin ang ahensya ng sapat na technical support at 110 repair hubs para sa araw ng halalan.
Pagtaas ng pamasahe sa LRT-1 kailangan para sa Cavite extension ayon sa DOTR
Ipinatutupad na ang taas-pasahe sa LRT-1 simula Abril 2, 2025, kung saan P20 na ang minimum at P55 ang maximum na pamasahe. Ayon sa DOTr at LRMC, kailangan ito para sa operasyon, pagpapatuloy ng Cavite extension, at pag-iwas sa inaasahang bilyon-bilyong pisong fare deficit. Tinututulan naman ito ng ilang commuter groups dahil dagdag-pasanin umano ito sa mga mananakay.
PWD binugbog ng dalawang kabataan sa Imus City
Isang PWD ang pinagtulungang bugbugin ng dalawang kabataan sa Brgy. Malagasang 1G noong Marso 28 dahil sa umano'y pagnanakaw ng bracelet. Nakuhanan ng CCTV ang insidente. Naaresto ang isang suspek habang ang kasama nitong menor de edad ay nasa pangangalaga na ng DSWD. Mariing itinanggi ng ina ng biktima ang akusasyon.
Mga pulis bigong arestuhin ang isang wanted person sa Cavite dahil matagal na umanong patay
Nabigo ang mga pulis sa Indang, Cavite na maaresto ang isang wanted person dahil sa kasong droga. Sa pagtungo nila sa lugar, natuklasan nilang matagal na itong pumanaw, na pinatunayan ng death certificate mula sa mga kaanak.