Pinatawan ng parusang reclusion perpetua sina Deniece Cornejo, Cedric Lee at 2 iba pa, matapos lumabas ang hatol na guilty sa kasong serious illigal detention na inihain ng aktor na si Vhong Navarro.
Sa kabilang banda, nagpasalamat ang aktor na si Vhong Navarro sa mga taong tumulong sa kanya sa airing ng “Showtime” noong Mayo 2 matapos lumabas ang desisyon ng korte.
“Maraming salamat sa RTC Taguig sa ibinigay ninyong justice sa akin na matagal ko na pong pinagdarasal, maraming salamat din sa aking legal team sa hindi ninyo pagbitaw at pagsama sa akin hanggang sa huli,” aniya.
Binaba ang kaso laban kina Lee, Cornejo, Zimmer Raz at Ferdinand Guerero sa Taguig Regional Trial Court Branch 153.
Dagdag pa rito, inutusan ng RTC ang mga akusado na bayaran ang aktor ng P100,000 sa indemnity, P100,000 sa moral damages at P10O,000 para naman sa expemplary damages.
Matatandaang sampung taon na ang nakakaraan mula nang maganap ang pagbubugbog sa aktor sa condo unit ni Cornejo sa Taguig City noong 2014.
