Bilang pakikiisa sa National Blood Donors Month, nagsagawa ng bloodletting activity ang pamahalaang bayan ng General Mariano Alvarez (GMA) kasama ang Cavite Blood Council (CBC) at Tau Gamma Phi/Sigma GMA Municipal Chapter nitong Hulyo 9.
Pinangunahan din ni GMA acting Mayor Maricel Torres ang naturang aktibidad kabilang ang mga opisyal at empleyado ng naturang bayan na may temang “Mass Blood Donation 2021: Give Blood and keep the world beating.”
“Let’s help. Lets’ do our share in donating our blood. Makaka-save iyon ng buhay ng taong nangangailangan ng dugo… let’s help this advocacy,” pahayag ng alkalde.
Dagdag pa rito, nagpaabot ng pasasalamat ang mga opisyales ng naturang bayan sa mga nakibahagi at tumulong sa programa.
Ani Torres, “Nawa ay taon-taon natin na makatuwang ang kapatiran ng Tau Gamma Phi/Sigma sa ganitong proyekto na pangunahing layunin ay makatulong sa kapwa.”
