Nasawi ang dalawang lalaki sa General Trias, Cavite matapos tamaan ng kidlat habang nagbibisikleta nitong Huwebes, Hulyo 11.
Ayon sa ulat ng pulisya, ang mga biktima ay nagbibisikleta nang maabutan ng masamang panahon sa kalsada at tamaan ng kidlat sa Barangay Tapia, General Trias.
Nagtamo ang dalawa ng mga paso sa iba’t ibang bahagi ng katawan.
Isinugod pa sa pinakamalapit na ospital ang mga biktima ngunit sa kasamaang palad ay hindi na umabot ng buhay.
Sa ulat ng panahon ng PAGASA, kasama ang Cavite sa mga makakaranas ng ulan, kulog, at kidlat dahil sa intertropical convergence zone at habagat noong Huwebes.
