Higit na mas mataas ng 189% ang mga kasong naitala ukol sa fireworks-related injuries sa CALABARZON kumpara noong nakaraang taon, ayon sa Department of Health (DOH).
![](https://thecaviterising.com/wp-content/uploads/2023/01/Photo-1-Article-146-010323-1024x576.png)
Photo via Canva
Ayon sa ulat ng ahensya, simula Disyembre 21, 2022 hanggang Enero 1, 2023 nasa 26 na kaso na ang kabuuang naitala sa rehiyon.
Pitumpu’t pitong porsyento o karamihan sa mga naitalang kaso ay mga lalaki na edad 6 hanggang 65 taong-gulang.
Nangunguna sa listahan ng mga paputok na nakapaminsala ang kwitis na may 38 porsyento, sinundan ito ng boga na may 19 porsyento, whistle bomb na may 12 porsyento, 5-Star na may 8 porsyento, piccolo na may 8 porsyento, fountain na may 4 porsyento, at unknown firecracker na may 8 porsyento.
“Inaasahan naman na po natin ang pagtaas ng kaso ng fireworks-related injuries ngayong pagsalubong sa bagong taon matapos ang mahigit dalawang taon na mahigpit na quarantine,” ayon sa isang panayam ng ahensya kay Regional Director Ariel Valencia.