Matagumpay na dinepensahan ni Filipino pride EJ Obiena ang kanyang korona matapos ang makapigil hiningang 5.91 metrong talon sa 2023 Asian Athletics Championship kahapon sa Bangkok, Thailand.
Dyan Castillejo/Twitter
Sa kanyang championship run sa torneyo ay nagawa niyang burahin ang kanyang dating record na 5.71 metro na kanyang ipinamalas sa Doha Qatar noong 2019 at itala ang bago niyang rekord sa kompetisyon.
Pilit na sinubok ni Obiena na gawin ang kanyang personal at Asian record na 6.02 metro ngunit bigo siyang maipakita ito sa harap ng mga manunuod matapos ang three attempts.
Sa kabilang banda naman ay hinugot ni Hussain Asim Alhizam ng Saudi Arabia ang silver sa kanyang 5.56 metrong output, at bumira rin si Huang Bokai ng China sa kanyang 5.51 metrong performance para makuha ang bronze medal.
Determinado ang World No. 3 Pole vaulter sa kanyang pamamayani sa kompetisyon sa kanyang paghahanda patungo sa Paris Olympic Games na gaganapin sa susunod na taon.
Hindi rin nagpaawat si Filipino-American, Robyn Brown sa kanyang gold medal finish sa 400-meter hurdles.
