Sa halip na mga bulaklak, tampok ang mga gulay na bouquet sa isinagawang libreng kasal sa 32 na magsing-irog sa Cavite City.
Photo via Mayor Denver Chua / FB Page
Bukod sa libreng garden wedding, binigyan rin ng lokal na pamahalaan ang mga bagong kasal ng isang sakong bigas at libre rin ang kanilang reception at souvenir.
Ayon kay Mayor Denver Chua, ito umano ang unang libreng mass garden wedding na inilunsad para sa mga nais magpakasal sa lungsod.
“Kasama sa mga principal sponsor ng bawat kinasal ang mga konsehal ng lungsod, Vice Mayor Benzen Raleigh Rusit, Congressman Jolo Revilla at ang inyong lingkod Mayor Denver Chua,” pahayag ng alkalde sa kaniyang Facebook post.
“Sumang-ayon rin ang kalangitan dahil pinagkaloob sa atin ang magandang panahon na kukumpleto sa masaya at matagumpay na kasalang bayan sa ating lungsod,” aniya.
