Pinangunahan ng Department of Education-Kawit District ang Walk for Peace bilang pagdiriwang ng ika-11 anibersaryo ng Heavenly Culture, World Peace, Restoration of Light (HWPL) at HWPL Peace Day noong Enero 24. Nakiisa sa aktibidad ang Team Puso at Malasakit kasama si Mayor Angelo Aguinaldo at Konsehal Armie Aguinaldo.
“Bukod sa mga peacekeeping initiative ng ating local government kasama ang mga national agencies ay layunin din nating maipaliwanag at maipakita ang halaga ng kapayapaan sa mga kabataan upang mapangalagaan din nila ito sa kanilang henerasyon,” saad ni Konsehal Aguinaldo sa kanyang Facebook post.
Ang programa ay upang ipakita sa mga kabataan ang kahalagahan ng kapayapaan bilang bahagi ng mga peacekeeping initiative ng lokal na pamahalaan.
Tiniyak ni Mayor Angelo na mananatiling prayoridad ang ligtas at payapang Kawit katuwang ang iba’t ibang ahensiya at organisasyon.
Sa isang mensahe ni G. Rubman Santera, ang Kawit Youth Coordinator, pinaalalahanan niya ang mga kabataan na maging aktibong kasangkot sa mga hakbangin para sa kapayapaan. Kanyang itinampok ang kahalagahan ng papel ng kabataan sa pagtutok sa mas maginhawang kinabukasan.
Photo 1-8 – Konsehala Armie Aguinaldo/Facebook
