Dagdag-singil sa kuryente ipapatupad ng Meralco ngayong Hunyo

Magkakaroon ng dagdag-singil sa bill ng kuryente ngayong buwan ng Hunyo, ayon sa Meralco.

Magtataas ng P0.40 per kilowatt hour (kwh) ang singil sa kuryente sa buwan ng Hunyo bunsod ng pagtaas ng generation charges, ayon sa Meralco.

Thumbnail photo courtesy Unsplash

Anila, sa mga kustomer na kumukonsumo ng 200 kwh ay magkakaroon ng dagdag na P80 sa bill ng kuryente, dagdag na P119 sa 300 kwh na konsumo, P159 para sa 400 kwh, at P199 para sa 500 kwh na kunsumo.

Paliwanag ng Meralco, tumaas ang generation charge ng P0.33 kada kwh bunsod ng pagtaas ng singil ng mga suplier at ng coal o natural gas na sumasabay sa presyo ng pandaigdigang merkado.

Dagdag pa ng Meralco, ang naturang singil ay mula sa Independent Power Producers (IPPs) at Power Supply Agreements (PSAs) na may pagtaas ng P0.6083 at P0.0859 kada kwh.

Bukod pa rito, tumaas ng 8 porsyento ang charges mula sa First Gas power plants dahil sa pagmahal ng liquid fuel mula sa Malampaya.

Tumaas din ng 23 porsyento ang presyo ng coal na isa umano sa mga dahilan sa pagtaas ng IPP at PSA.

Total
0
Shares
Related Posts
Read More

Cavite, posibleng umabot sa 44°C Heat index; mahigit 55 lugar apektado ng matinding init — PAGASA

Naglabas ng babala ang PAGASA noong Abril 14 ukol sa inaasahang 44°C na heat index (danger level) sa Cavite para sa araw na iyon, kasunod ng naitalang 47°C sa Sangley Point noong Abril 13 (Linggo ng Palaspas). Mahigit 55 lugar din sa bansa ang inaasahang nakaranas ng mapanganib na heat index noong Abril 14. Pinaalalahanan ang publiko na patuloy na mag-ingat sa matinding init, lalo na noong nagdaang Semana Santa (Abril 13-19), sa pamamagitan ng sapat na hydration at pag-iwas sa direktang sikat ng araw at matinding gawain sa labas.