Arestado ang isang driver sa Kawit, Cavite matapos niyang magbiro na may bitbit siyang bomba sa kaniyang motorsiklo noong Biyernes ng madaling-araw.
Kinilala ang suspek na si Morris Cano Inanoria mula sa Adas 2, Molino 2, Bacoor.
Ayon sa ulat ng Kawit Police, pinara umano ng guwardya ng First Orient International Ventures Corp. ang drayber upang inspeksyunin ang sasakyan nito bago pumasok sa kanilang establisyemento.
Nang bubuksan na ng guwardya ang compartment ng motorsiklo, nagbiro umano ang suspek na may bitbit siyang bomba.
Agad namang humingi ng backup ang gwardya at tumawag sa pulisya. Imbis na magpaliwanag ay nagbanta pa umano ito kaya inaresto at binitbit sa presinto.
Humaharap sa kasong paglabag sa Malicious Dissemination of False Information or Willful making of any Threat Concerning Bombs, Explosive or any similar device, light threat at unjust vexation ang suspek.
Thumbnail photo by Christina Boemio on Unsplash
