Nagsagawa ng groundbreaking ceremony ang SM Supermalls noong Hunyo 14 para sa kanilang ikawalong mall sa Cavite, na matatagpuan sa isang 11-ektaryang lupain sa Barangay Pasong Camachile II, General Trias.
Inaasahang magdudulot ang nasabing mall ng maraming oportunidad sa trabaho para sa mga residente at mga karatig-bayan, na magpapalakas pa sa lumalagong ekonomiya ng rehiyon.
Pinangunahan ni SM Supermalls President Steven Tan ang seremonya kasama ang mga opisyal ng lokal na pamahalaan ng General Trias sa pangunguna ni Mayor Luis Ferrer IV.
Ang SM Supermalls sa General Trias ay inaasahang maging isa sa pinakamalaking mall sa buong Cavite at ito ang ikawalong mall sa lalawigan, kasunod ng SM City Dasmarinas, SM City Molino, SM City-Rosario, SM City Trece Martires, SM Tanza, SM Center Imus, at SM City Bacoor.
