Talaga namang #LoveWins sa bayan ng Naic nang ikasal ni Mayor Junio Dualan ang dalawang miyembro ng LGBTQIA+ Community sa kanilang bayan.
Nagpalitan ng “I do” sina Pedyun Gualdo ar Airez Baliar sa isang civil wedding sa Naic Municipal Building noong Mayo 5, 2022.
Photo courtesy by Municipality of Naic
Isang pambihirang pagkakataon umano ito ayon sa alkalde.
“Ang pagmamahalan ay hindi nakikita sa kung ano ang ating pagkatao, kundi sa pagiging bukal at bulag ng ating puso,” ani Dualan sa isang Facebook post.
Dagdag pa niya, naging matamis umano ang pag-iibigan ng dalawa dahil sa dami nang kanilang pinagdaanan, sa kasalan pa rin ang kanilang naging tagpuan.
Umani naman ng positibong reaksyon ang kasalang ito sa social media.
Photo courtesy by Tere Puno
“Talagang nakakatuwa dahil sa hinaba-haba man ng kanilang paglalakbay, di natin akalain na silang dalawa pa ang magkakatuluyan sa huli,” ani ni Tere Puno, principal sponsor ng naturang kasal sa isang Facebook post.
“Kayong mga miyembro ng LGBTQ+ ang malapit sa aking puso. Kaya naman para sa aking mga inaanak, best wishes!” dagdag pa niya.
