Aabot sa P5 milyon ang halaga ng mga alahas ang di umano’y ninakaw ng isang kasambahay mula sa kaniyang amo sa Brgy. Panapaan 8 sa Bacoor, Cavite noong Pebrero 10.
Batay sa ulat ng pulisya, laking gulat na lamang ng among si alias “Julie” na nawawala ang kaniyang singsing at iba’t iba pang uri ng kaniyang mga alahas.
Natuklasan sa tulong ng CCTV na lumusot sa bintana ng pinagtatrabahuhang bahay ang isang kasambahay at saka tinangay ang sari-saring alahas ng kaniyang amo.
Matapos humingi ng saklolo sa pulisya si “Julie” ay agad na naglunsad ng follow-up operation na humantong sa pagkaka-aresto sa suspek sa Brgy. Niog 3 sa parehong lungsod.
***Please insert FB post here:
Kinilala ang suspek bilang si James Suresca, 28, residente ng Brgy. Pleasant Hills sa Mandaluyong City.
Nabawi mula sa kaniya ang P350,000 halaga ng mga alahas ngunit hindi malinaw kung narekober din ang iba pang mga ninakaw na alahas.
Nakapiit na sa Bacoor police station ang suspek na nahahaharap sa kasong qualified theft.
Thumbnail photo courtesy of Cavite Provincial Police Office
