Umabot sa P150 milyon ang halaga ng samu’t saring mga pekeng produkto ang nasabat ng mga tauhan ng Bureau of Customs sa isang warehouse sa Alapan II-A Imus, Cavite.
Nasamsam ang mga pekeng damit, general merchandise at mga appliances nang mag-surprise inspection ang mga kawani ng ahensya.
Photo courtesy of Bureau of Customs
Ilan sa mga nakumpiska ay mga ready-to-wear brands ng Fila, Mossimo, Bench, Dickies at Levi’s na wala umanong kaukulang permit at dokumento.
Nagpaliwanag na sa mga awtoridad ang may-ari ng warehouse maging ang mga gwardyang nakabantay rito.
Sinasabi ng BOC na para umano sa mga Christmas Bazaar at street markets ang mga produkto.
Humaharap naman sa kaukulang kaso ang may-ari.
