Namigay ng libreng lechon manok si Mayor Dino Chua sa bawat kabahayan ng Noveleta bilang pagdiriwang sa kapistahan ni San Jose sa gitna ng pandemya.
Ang inisyatibong ito ay handog ng lokal na pamahalaan ng Noveleta upang maisagawa ng ligtas ang fiesta ngayong 2021.
Ipinamigay ito ng naturang alkalde at kanyang mga kasamahan sa bawat tahanan upang mapanatili ang health protocols habang umiiral ang modified enhanced community quarantine (MECQ) sa lugar.
“Ang tunay na diwa ng kapistahan ay ang salo-salo ng buong pamilyang nagkakaisa. Walang magugutom sa Noveleta,” pahayag ni Chua sa kaniyang Facebook post.
Bukod pa rito, matatandaang namigay din ng libreng milk tea ang alkalde sa mga taga-San Jose sa Noveleta matapos ang misa.
“Happy Fiesta po sa ating lahat.” pagbati ni Chua.
