Paaralan sa Imus, nakilahok sa pilot implementation ng face-to-face classes

Nakilahok ang Gov. DM Camerino Integrated School sa Imus City sa national pilot implementation ng limited face-to-face classes noong Disyembre 6.

Nakilahok ang Gov. DM Camerino Integrated School sa Imus City sa national pilot implementation ng limited face-to-face classes noong Disyembre 6.

Photo courtesy by Mayor Emmanuel Maliksi

Kabilang ang nasabing paaralan sa 177 na iba pa sa buong bansa na napili ng Department of Education (DepEd) na magsagawa nito.

Magsasalitan sa dalawang batch ang mga mag-aaral na papasok sa paaralan para sa limited face-to-face classes, samantalang tuloy pa rin naman ang online at modular learning.

Ayon sa patnubay na inilabas ng DepEd, 12 na mag-aaral lamang mula sa Kindergarten at 16 naman mula Grade 1 hanggang Grade 3 ang maaaring papasukin sa paaralan.

Bumisita at nagpasalamat naman si Imus Mayor Emmanuel Maliksi sa Gov. DM Camerino Integrated School dahil isa ang paaralan sa kalahok sa pilot implementation na ito.

Photo courtesy by Mayor Emmanuel Maliksi

Ayon sa kaniya, ito ay bunga ng masinsinang kooperasyon at pagbubuklod-buklod ng paaralan maging ng DepEd Imus sa local government unit ng lungsod.

Dagdag pa niya, isa rin sa mga naging dahilan ang pagbaba ng mga aktibong kaso sa lungsod at pagsulong na rin tungo sa herd immunity.

“Ngayon ay hindi na nalalayo ang ligtas na pagbabalik natin sa ating normal na pamumuhay. Isang maligayang balik-eskwela sa ating mga mag-aaral at guro,” ani Maliksi sa kaniyang Facebook post.

Total
5
Shares
Leave a Reply

Your email address will not be published. Required fields are marked *

Related Posts