Naghain ng isang resolusyon sa Kamara noong March 21 ang mga mambabatas sa Region 4-A para muling ipanawagan ang umento sa arawang sahod ng mga manggagawa sa rehiyon.
Sa ilalim ng House Resolution No. 888, hinimok ng mga kongresista sa Calabarzon ang Regional Tripartite Wages and Productivity Board na irebyu at irebisa ang naunang kautusan nito na nagtaas ng daily minimum wage ng mga manggagawa sa rehiyon sa P470.
Ito sa gitna umano ng mataas na inflation at unemployment rate sa Pilipinas at pagsadsad ng ekonomiya ng bansa sa gitna ng pandemiya.
Bagaman hindi tinukoy ng resolusyon kung magkano ang hinihingi nitong umento, matagal nang inuudyukan ang wage board na ipantay ang sahod sa Metro Manila at mga probinsya dahil halos pareho lamang umano ang presyo ng mga bilihin.
Disyembre ng nakaraang taon nang huling nagtakda ang wage board ng P47 hanggang P92 dagdag-sahod sa rehiyon.
[READ: Calabarzon workers to get salary hike — DOLE]
Thumbnail photo made via Canva
