Unemployment rate sa bansa noong Hunyo nasa 7.7 porsyento

Press Conference on the June 2021 Labor Force Survey (Preliminary) Results

LIVE: Press Conference on the June 2021 Labor Force Survey (Preliminary) Results | via Zoom

Posted by Philippine Statistics Authority on Monday, August 2, 2021

Nanatili sa 7.7 porsyento ang unemployment rate sa bansa sa buwan ng Hunyo, ayon sa Philippine Statistics Authority (PSA) sa datos na inilabas nito noong Agosto 3.

Bagamat katumbas lamang ito ng naitalang porsyento noong buwan ng Mayo, sinabi ng PSA sa kanilang briefing para sa labor force survey na bahagyang tumaas ang bilang ng mga Pilipinong walang trabaho sa buwan ng Hunyo na may tinatayang 3.76 milyon kumpara sa 3.73 milyon noong Mayo.

Dagdag pa rito, mas mataas din ito sa buwan ng Marso na may 7.1 porsyentong unemployment rate habang mababa naman ito kumpara sa mga buwan ng Abril at Enero na may 8.7 porsyento at Pebrero na may 8.8 porsyento.

Samantala, sinabi rin ng PSA na hindi rin nagbago ang employment rate ng 92.3 porsyento noong Mayo. 

“This means that 45.08 million were employed out of 48.84 million Filipinos in the labor force in June 2021,” ayon sa PSA.

Nagsimulang bumaba ang bilang ng mga walang trabaho nang ipinatupad ng gobyerno ang mga lockdown dahil sa patuloy na pagkalat ng COVID-19.

Photo by Etienne Girardet on Unsplash

Total
1
Shares
Leave a Reply

Your email address will not be published. Required fields are marked *

Related Posts