Inaprubahan para sa ikatlo at huling pagdinig sa Mababang Kapulungan ng Kongreso ang isang panukalang batas na naglalayong mabigyan ng P1 milyong cash gift ang mga Pilipinong aabot ng 101 taong gulang.
Sa botong 193-0 napagtibay ng Mababang Kapulungan ng Kongreso ang House Bill 10647 na isinusulong na amyendahan bilang Republic Act 10868 o Centenarians Act of 2016.
Voting 193-0, House approves on final reading HB 10647, granting additional benefits to Filipino centenarians, and recognizing octogenarians and nonagenarians.
— House of Representatives of the Philippines (@HouseofRepsPH) January 31, 2022
Bukod pa rito ay makatatanggap rin ang mga 101 taong gulang na centenarian sa kanilang kaarawan ng “felicitation letter” mula sa Pangulo.
Sa ilalim ng kasalukuyang batas, nasa P100,000 ang ibinibigay ng pamahalaan para sa mga centenarian.
Kaugnay nito, layon rin ng panukalang batas na maglaan ng P25,000 na tulong pinansyal para sa mga “octogenarians” at “nonagenarians” o mga edad 80, 85, 90, at 95.
Dagdag pa rito, nakasaad rin sa HB 10647 na ang National Commission of Senior Citizens ang mamamahala sa pamamahagi ng mga nasabing benepisyo.
Thumbnail photo by Eduardo Barrios on Unsplash
