Sa mga naghahanap ng mapapasyalan ngayong Pasko, hinihikayat ng lokal na pamahalaan ng Silang ang mga turista na magpunta sa kanilang White Christmas Village.
Photos courtesy of Office of the Mayor of Silang
“Hindi mo na kailangang magpunta sa mga oriental countries gaya ng Japan at South Korea para masubukan ang White Christmas. Kung hanap mo ang snow at malamig na pasko, punta ka lang dito sa Silang, Cavite,” ayon sa lokal na pamahalaan ng Silang.
Tampok sa kanilang Christmas Village ang artificial snow, live band, at Christmas bazaar na may samu’t saring pagkain at mga produktong itinitinda.
Anila, matatagpuan sa kanilang bagong munisipyo ang naturang pasyalan at wala itong entrance fee.
