Matagumpay na na-rescue ng pulisya ang isang 3-taong-gulang na bata matapos itong i-hostage ng sariling ama sa Silang, Cavite.
Ayon sa imbestigasyon ng pulisya, nagkaroon umano ng pagtatalo ang suspek na si Marianito Deayon, 53, at ang misis nito na si Lorie Deayon, 44, bandang alas-11:20 ng umaga na nauwi sa pananakit ng sarili nitong asawa’t anak.
Nang makatakas umano si Lorie ay agad itong nagsumbong sa mga awtoridad. Agad namang rumesponde ang pulisya at nag-deploy ng SWAT team.
Nang makarating ang pulisya sa bahay ng suspek, dito na umano hinostage ni Deayon ang bata gamit ang kutsilyo.
Ligtas namang nailabas ang biktima habang nasa kustodiya ngayon ng pulisya ang suspek na nakatakdang sampahan ng kaukulang kaso.
Nasa pangangalaga naman ngayon ng Violence Against Women and Children (VAWC) desk ang mag-ina.
Photo courtesy by Cavite Provincial Police Office FB Page
