Napabilang ang Carmona, Cavite sa listahan ng labing limang lungsod sa Southeast Asia na may pinakamalinis na kalidad ng hangin para sa taong 2023, ayon sa ulat ng Swiss air-monitoring company IQAir.
Batay sa datos mula sa IQAir, nakamit ng Carmona ang ika-siyam na puwesto sa listahan, habang ang Calamba, Laguna ay nasa ika-anim na puwesto, at ang Balanga, Bataan naman ay nasa ika-labing isa.
Nasa listahan rin ng mga lunsod sa bansa na pasok sa cleanest air ang Valenzuela, Davao, Manila, Mandaluyong, Balanga, Quezon City at Las Piñas.
Sa kabilang banda ay napabilang ang Meycuayan, Bulacan at Caloocan City sa 15 lungsod sa South East Asia na may polluted air.
Sa kabuuang datos, nasa ika-79 na puwesto ang Pilipinas na may 13.5 PM2.5 concentration average.
