Isang trahedya ang sinapit ng isang bus konduktor sa General Trias, Cavite matapos masagasaan ng kotse at makaladkad ng dump truck noong Sabado, Agosto 9 sa Brgy. San Francisco.
Ayon sa ulat, bumaba sa bus ang biktima at tumatawid na sana upang mag-garahe nang mabangga siya ng isang kotse. Sa kasamaang-palad, nakaladkad pa siya ng kasalubong na dump truck, dahilan para mahati ang kanyang katawan. Agad hinabol at inaresto ng pulisya ang driver ng kotse, habang patuloy na pinaghahanap ang driver ng dump truck.
Ayon sa barangay chairman, hindi ito ang unang insidente ng disgrasya sa nasabing highway. Nakikipag-ugnayan na umano sila sa LGU at provincial government para maglagay ng mga rumble strips, dagdag na early warning devices, at muling pagpipintura ng mga pedestrian lanes upang maiwasan ang kahalintulad na aksidente.
Kabilang sa mga planong hakbang ang paglalagay ng mga rumble strips at iba pang early warning devices upang mabawasan ang bilis ng mga sasakyan, gayundin ang pagpipintura muli ng mga pedestrian lanes para mas maging malinaw sa mga motorista.
Patuloy ang panawagan ng mga opisyal sa publiko na mag-ingat sa pagtawid at sumunod sa batas-trapiko upang maiwasan ang ganitong uri ng trahedya.
