One month income tax holiday isinusulong ni Sen. Tulfo sa gitna ng isyu sa flood control projects
Isinusulong ni Senador Erwin Tulfo ang Senate Bill No. 1446 o ang “One-Month Tax Holiday of 2025,” na magbibigay ng isang buwang income tax exemption sa mga manggagawa, bilang tugon sa umano’y katiwalian sa flood control projects. Layunin nitong maibalik ang tiwala ng publiko sa gobyerno. Hindi kasama sa exemption ang mandatoryong kontribusyon, at ipinatupad ang non-diminution clause para matiyak na hindi mababawasan ang sahod ng mga empleyado.
Lalaking may multiple cases ng kahalayan na wanted sa Cavite, arestado sa Pasay
Inaresto ng Pasay City Police ang isang lalaking wanted sa Cavite dahil sa 14 na kaso ng acts of lasciviousness at paglabag sa Child Abuse Act na kinasasangkutan ng mga menor de edad. Nahuli ang suspek sa Pasay City sa bisa ng warrant of arrest mula sa Trece Martires City, Cavite, at dinala na sa Trece Martires City Police Station.
CVSU-Cavite City isinusulong ni Cong. Jolo Revilla na maging regular campus
Isinusulong ni Cavite Rep. Jolo Revilla ang House Bill No. 1328 na gawing regular campus ang CvSU-Cavite City. Iginiit niya na ang pagbabago ay magbibigay-daan para sa mas malaking pondo at mapabuti ang pasilidad at akademikong programa ng unibersidad para sa mahigit 3,000 mag-aaral. Binigyang-diin ni Revilla na ang de-kalidad na edukasyon ay karapatan ng bawat Pilipino.
Rep. Jolo Revilla nanawagan ng agarang pagpasa ng mga panukala laban sa kawalan ng trabaho
Nanawagan si Cavite Rep. Jolo Revilla sa Kongreso na apurahin ang mga panukalang batas para sa trabaho dahil sa 2.27 milyong unemployed Filipinos noong Hulyo. Kabilang sa kanyang isinusulong ang HB 2985, na magpapapermanente sa TUPAD Program ng DOLE, at ang HB 481 o ang Barangay Skilled Workers Registry, na lilikha ng database para sa mas mabilis na job matching.
Team Unlad , dinagsa ng suporta sa motorcade sa Cavite City
Mainit na sinalubong ng mga residente ang motorcade ng #TeamUnladCaviteCity, pinangunahan ni Mayor Denver Chua. Nagpasalamat ang alkalde sa suporta at nangakong magpapatuloy sa tapat na serbisyo. Nag-house-to-house visit din ang grupo, at umaasa ang mga mamamayan sa mas maraming proyekto para sa pag-unlad ng Cavite City.
Death penalty sa mga korap na opisyal ipinanukala sa Kongreso
Isinusulong sa Kongreso ang House Bill No. 11211 na naglalayong patawan ng parusang kamatayan sa pamamagitan ng firing squad ang mga opisyal ng gobyerno na napatunayang nagkasala ng katiwalian.
Cavite Bus Rapid Transit, target simulan ang operasyon sa Setyembre
Nakatakdang simulan ng Megawide Construction Corp. ang partial operations ng Cavite Bus Rapid Transit (BRT) sa Setyembre, bago ang holiday season. Ayon kay Megawide CEO Edgar Saavedra, ang P1.87-bilyong proyekto ay naglalayong bawasan ang travel time ng mga pasahero ng halos kalahati sa pamamagitan ng dedicated bus lanes at scheduled trips.