Bilang tulong sa mga kababaihang Kawiteño, nagsagawa ang lokal na pamahalaan ng isang cervical cancer screening test sa bayan.
“Malubhang sakit ang cervical cancer ngunit kung maaga itong matutukoy, maaari itong maagapan at maaksyonan,” ani Mayor Angelo Aguinaldo.
Ayon pa sa alkalde, bahagi ang nasabing programa ng pagdiriwang ng Women’s Month ngayong Marso.
“Bahagi po ito ng tuloy-tuloy nating pagsisilbi sa kababaihan ng ating Kawit ngayong Women’s Month ngunit asahan n’yo po na buwan man ng kababaihan o hindi, hindi tayo titigil sa pagbibigay ng #RatedTripleA na serbisyo sa ating mga kababayan,” aniya.
Hinikayat naman ni Aguinaldo ang mga Kawiteño na magtungo sa mga barangay health station o dumulog sa mga barangay widwife upang makapagpalista sa naturang serbisyong-medikal.
