Dasmariñas LGU sa mga magpapabakuna: ‘Bawal ang walk-in’

Pinaalalahan ng lokal na pamahalaan ng lungsod ng Dasmariñas ang mga residente nito na bawal ang “walk-in” sa mga vaccination site upang maiwasan ang pagkukumpulan at hawaan ng COVID-19.

Pinaalalahan ng lokal na pamahalaan ng lungsod ng Dasmariñas ang mga residente nito na bawal ang “walk-in” sa mga vaccination site upang maiwasan ang pagkukumpulan at hawaan ng COVID-19.

Photo Courtesy of Dasmariñas City Mayor Jenny Austria-Barzaga Facebook page.

Sa isang Facebook post, sinabi ni Dasmariñas City Mayor Jenny Barzaga na magparehistro muna online o kung hirap umano sa internet connection ay maaaring magpalista sa mga Barangay Health Center, o sa Home Owners Association (HOA) ng bawat subdivision.

“Ang lahat ng nakapagparehistro na sa alinmang pamamaraan ay makakatanggap ng SMS o tawag mula sa nakakasakop na Health Center sa inyong Barangay…Hindi po natin maaasahan na perpekto ang ating sistema kaya ang ating Pamahalaan ay patuloy na gumagawa ng mga hakbang upang mapadali ang proseso sa pagsugpo sa kasalukuyang pandemya,” ani Barzaga.

Aniya, ito ay para sa mga nais magpabakuna na nasa prayoridad na grupo tulad ng Category A1, A2, at A3.

“Kailangan maunawaan ng lahat na hindi pa kumpleto ang vaccines na binibigay sa atin ng DOH para sa categories A1, A2 at A3 na siyang prioridad natin sa pagbabakuna, kung kaya naglagay tayo ng ganitong sistema upang maisaayos ang pagbabakuna na atin ng naumpisahan. Kung ano lamang ang ibinigay ay iyon lamang ang naiischedule natin sa kasalukuyan, ” pahayag ng alkalde.

Dagdag pa niya, “Ginagawa po nating lahat, katulong ang mga doktor na namumuno sa ating apat na CHO, sa pagpaplano para maging maayos ang maging sistema ng pagbabakuna sa ating siyudad.”

Total
1
Shares
Leave a Reply

Your email address will not be published. Required fields are marked *

Related Posts
Read More

Senate OKs Carmona cityhood bill

The municipality of Carmona, the richest town in the Philippines, is now a step closer to attaining its state of becoming the eighth city in the province of Cavite after the Senate approved its cityhood measure on its third and final reading.