Sa papalapit na pagdiriwang ng Father’s Day ngayong taon, narito ang ilan sa mga pakulo ng lokal na pamahalaan ng Imus para ipakita ang pagmamahal sa mga natatanging haligi ng tahanan.
TIKTOK PARA KAY TATAY: FATHER’S DAY GIVEAWAY
Tiktokers! Maaaring ipakita ang inyong pagmamahal kay tatay sa malikhaing paraan. Gamit lamang ang Tiktok at Facebook account, maaaring mapabilang sa 30 kalahok na mananalo ng espesyal na regalo mula sa lokal na pamahalaan ng Imus sa darating na Linggo. Sundin lamang ang ang mga nakasulat sa poster:
“Sabay-sabay tayong gumawa ng Tiktok para kay Tatay,” ani Mayor Emannuel Maliksi sa kaniyang Facebook post.
FATHER SAVES MOTHER EARTH
Magsasagawa ng Tree Planting Activity ang lokal na pamahalaan ng Imus katuwang ang Inner Wheel Club of Mutya ng Imus maging ang Rotary Club ng lungsod sa Dambana ng Pambansang Watawat (Imus Heritage Park) sa darating na Sabado (Hunyo 19).
Inaanyayahan ng alkalde ng lungsod ang publiko na samahan sila sa aktibidad na ito.
“Maging kaisa ng ating adbokasiya para sa kalikasan at magtaguyod ng mas magandang kapaligiran para sa mga susunod na henerasyon,” sabi ni Maliksi sa kaniyang Facebook post.
LODI KO SI TATAY
Madali lamang ang pagsali, mga Imuseño!
Mangyari lamang na mag-post ng inyong selfie kasama ang inyong tatay. Sa caption, kumpletuhin ang “Lodi ko si Tatay (pangalan) dahil _____________,” at ilagay ang iyong mensahe para sa kanya.
Siguraduhing naka-public ang naturang post. Gamitin din ang mga hashtags na: #LodiKoSiTatay #SerbisyongMaliksi
Iaanunsyo ang mga maswerteng mananalo sa Maliksi Live sa darating na Sabado.
