Timbog ang isang magnanakaw sa Cavite City matapos mahuling nagpuslit ng mga tinitindang produkto sa isang grocery store noong Hunyo 25.
Photo via Merwin Bermejo | The Cavite Rising
Ayon sa katiwala ng tindahan na si Noemi Unciano, tatlong beses ng bumalik ang suspek sa kanilang tindahan at sa pangatlong beses ay nahuli na ito sa akto na may tago-tagong mga produkto sa pantalon.
Kinilala ang suspek na si Renz Carl Sanico, 30-anyos na nakatira sa Barangay Salawag Dasmariñas, Cavite na sinubukan tumakas ngunit nahuli rin sa tulong ng mga nakasaksi.
Ayon kay Sanico, nagawa niya lamang ito dahil sa kaniyang anak na may sakit at bunsod sa pangangailangan sa pera.
Kulang-kulang sa tatlong-libo ang tinangkang ipuslit ng suspek.
Thumbnail via Merwin Bermejo | The Cavite Rising
