Naghatid ng tulong ang lokal na pamahalaan ng Kawit, Cavite sa mga residenteng nasalanta na pansamantalang nanunuluyan sa evacuation areas dulot ng bagyong Carina.
“Buong puso’t malasakit din po tayong nakahanda para sa iba pang emergency at incident na maaaring maging dulot ng ating nararanasang sama ng panahon,” ayon kay Mayor Angelo Aguinaldo.
Bukod pa rito, naglibot ang alkalde sa bayan kasama sina Cavite 1st District Rep. Jolo Revilla, Kawit Municipal Risk Reduction and Management Office (MDRRMO), ilang opisyal at kawani ng lokal na pamahalaan upang alamin ang kalagayan ng mga apektado ng bagyo.
“Para sa ating mabilis na #AksyongAngeloAguinaldo, pwede niyo po kayong mag-message sa ating page or tumawag sa ating emergency hotlines: 09358432745, 440-0722,” aniya.
