Nakamit na ng lokal na pamahalaan ng Kawit ang herd immunity kontra COVID-19 nitong Disyembre 14, ayon sa Rural Health Unit ng munisipalidad.
Photo courtesy by Mayor Angelo Aguinaldo FB Page
Ayon sa datos, 70 porsyento na ng kabuuang populasyon ang nabakunahan laban sa sakit sa pamamagitan ng kanilang malawakang #TaasManggasKawit program.
Nasa 84.66 porsyento na Kawiteno na ang nakatanggap ng first dose ng bakuna at 72.09 porsyento naman ang may kompletong dose.
“Napakagandang Aguinaldo po nito sa ating bayan ng balitang ito lalo na at papalapit na ang Pasko, mas ligtas po nating maipagdiriwang ang ating Kapaskuhan,” ani ni Mayor Angelo Aguinaldo sa kaniyang Facebook post.
Dagdag pa ng alkalde, hindi umano nila maaabot ang tagumpay na ito kung hindi dahil sa mga frontliners na siyang nangunguna sa pagprotekta sa mga Kawiteño.
Pinaalalahanan pa rin ng alkalde na sumunod ang lahat sa mga health para maiwasan ang paglaganap ng COVID-19.
Matatandaang noong Nobyembre 17, masayang inanunsyo ni Aguinaldo na zero cases na ang bayan pagkatapos gumaling ng apat na natitirang active case sa lugar matapos ang disease surge noong Abril 2020.
(Basahin: Kawit posts zero active COVID-19 cases)
Sa kasalukuyan, tuloy-tuloy pa rin ang pagbabakuna sa bayan. Nagsasagawa na rin ng booster vaccination sa A1, A2, at A3 categories.
Magandang Kawit po sa ating lahat! BOOSTER DOSE FOR A1 to A3 KAWITEÑOS Kung ikaw ay nabakunahan ng 2nd dose sa mga…
Posted by Kawit Rhu on Monday, December 6, 2021
