Arestado ang isang lalaki matapos nitong tangayin ang fire truck ng Bureau of Fire Protection (BFP) sa Bacoor City, Cavite noong Biyernes ng hapon.
Nakilala ang suspek na si Mark Daras, 40, isang driver ng Brgy. San Nicolas 3, Bacoor City.
Ayon sa ulat ng pulisya, naiwan umano ng kawani ng BFP na nakakabit ang susi sa loob pagkatapos nitong linisin ang sasakyan sa harap ng BFP San Nicolas Sub-station nang umakyat ito sa opisina bandang alas-2:30 ng hapon.
Nang bumaba umano siya ay wala na ang truck sa harap ng istasyon.
Agad namang humingi ng tulong ang kawani sa Bacoor Police Station.
Agad namang nahuli ang suspek habang minamaneho ang sasakyan.
Thumbnail photo from Abante
