Muling nasilayan ng publiko ang pagliwanag ng Gen. Emilio Aguinaldo Shrine sa Kawit, Cavite matapos pasinayahan ang pagpapailaw ng mga Christmas lights sa parke.
Muling nagningning ang Aguinaldo Shrine sa bayan ng Kawit bilang paghahanda sa kapaskuhan.
Pinangunahan ng lokal na pamahalaan ng Kawit ang pagbubukas ng mga Christmas light sa buong parke bago magsimula ang simbang gabi noong Biyernes, Disyembre 16.
“Maraming salamat po sa lahat ng nakisaya sa ating Paskuhan sa Kawit: Gabi ng Aguinaldo 2022! Memorable po ang Paskong ito dahil muli nanaman tayong nagkasama-sama dahil napagtagumpayan natin ang hamon ng COVID-19,” pahayag ni Mayor Angelo Aguinaldo sa kaniyang Facebook post.
Bukod sa nasabing atraksyon, maaari ring magtungo ang mga turista sa Christmas bazaar tampok ang iba’t ibang klase ng mga pagkain at produkto.
