Labis na nagluluksa ang komunidad ng mga Pilipino sa Vancouver, Canada matapos ang isang trahedya kung saan inararo ng isang sasakyan ang mga dumalo sa Lapu-Lapu Festival, na nagresulta sa pagkamatay at pagkasugat ng ilang indibidwal.
Nanawagan si Mayor Ken Sim ng mas mahigpit na seguridad sa mga pampublikong pagtitipon, kasunod ng kanyang pahayag na siya ay “shocked and deeply saddened” (nabigla at labis na nalungkot) sa nangyari. Kasalukuyang nasa kustodiya na ng pulisya ang drayber na sangkot sa insidente habang patuloy ang isinasagawang imbestigasyon.
Nagpaabot din ng taos-pusong pakikiramay si Canadian Prime Minister Mark Carney kaugnay ng trahedya.
“I offer my deepest condolences to the loved ones of those killed and injured, to the Filipino Canadian community, and to everyone in Vancouver,” (Ang aking taos-pusong pakikiramay sa mga mahal sa buhay ng mga nasawi at nasugatan, sa komunidad ng mga Pilipinong Canadian, at sa lahat sa Vancouver) ang kanyang pahayag sa kanyang Twitter post.
Patuloy na isinasagawa ng mga awtoridad ang masusing imbestigasyon, at sa kasalukuyan ay wala pang kumpirmadong bilang ng mga nasawi at nasugatan sa naganap na insidente.
Photo via: CDN/Digital
