Bukod kay Quiboloy, kasama sa mga pinapaaresto ang mga kasamahan ng pastor na sina Jackielyn Roy, Cresente Canada, Paulene Canada, Ingrid Canada at Sylvia Cemañes.
“Bilang na ang masasayang araw ni Apollo Quiboloy. Halos lahat na ng institusyon sa Pilipinas ay gumagalaw para mapanagot siya,” pahayag ni Sen. Risa Hontiveros.
Matatandaang nauna nang naglabas ng arrest order ang Senado laban kay Quiboloy upang pormal na tumistigo sa mga pagdinig nito ngunit hindi kailanman nagpakita sa mga hearing ang pastor.
“Pinapanawagan ko rin kay Quiboloy na huwag nang mag-inarte. Ang dami na niyang ginawa para takbuhan ang obligasyon niya sa batas. He should just cooperate and properly answer the accusations hurled against him. Kung walangkasalanan, hindi kailangang magtago,” dagdag pa ng Senador.
