Arestado ang isang sikat na vlogger mula sa General Trias, Cavite dahil sa panggagahasa umano nito sa kaniyang kaibigan.
Sa bisa ng warrant of arrest na ipinalabas ni Judge Gian Enrico Navarro ng Tagaytay RTC Brance 133, nahuli ng General Trias Police ang Regional Most Wanted Person na si Daniel Butas Tambulogan o mas kilala sa pangalan na Khifer Brosse.
Kusa namang sumama si Tambulogan sa mga awtoridad matapos itong maaresto sa man-hunt operation noong Enero 4.
Ayon sa panayam ng media sa mga pulis, inireport ng 20-taong gulang na biktima na apat na beses umano itong ginahasa ng suspek, Hulyo noong nakaraang taon.
Pansamantalang nasa kustodiya ng mga police si Tambulogan na nahaharap sa kasong rape.
