KAWIT, Cavite — Namatay ang isang 14-taong-gulang na lalaki dahil sa mga komplikasyon na maiuugnay diumano sa kontrobersyal na Dengvaxia vaccine, ayon sa Public Attorney’s Office (PAO).
Sa panayam sa The Manila Times, sinabi ni PAO Chief Persida Rueda-Acosta na namatay si Dela Cruz noong Mayo 24.
Ayon kay Acosta, ika-164 na biktima na ng pagkamatay sa naturang bakunang kontra-dengue si Dick John Dela Cruz, isang mag-aaral mula sa Binakayan Elementary School.
Sinuri ng PAO Forensic ang labi ng bata noong Mayo 29, ayon na rin sa hiling na awtopsiya ng kanyang pamilya. Pulmonary at brain hemorrhage ang ikinamatay ng bata ayon sa pinuno ng PAO Forensics Division na si Dr. Erwin Erfe.
Katulad ng ibang biktima ng Dengvaxia, nakitaan din si Dela Cruz ng paglaki ng maraming organs at pattern ng severe internal bleeding sa utak at baga.
Inihain naman ng PAO noong nakaraang taon ang mga reklamong violation on nti-torture at criminal complaints law laban kina dating Department of Health undersecretary Janet Garin, incumbent Health Secretary Francisco Duque III at 37 iba pa sa harap ng Department of Justice na may kaugnayan sa 101 kaso ng bata na namatay dahil sa Dengvaxia.
Sinampahan din ng kaso ng PAO ang Philippine Children’s Medical Center, Research Institute for Tropical Medicine, Food and Drug Administration maging ang Dengvaxia manufacturer Sanofi Pasteur Inc., vaccine distributor na Zuellig Pharma.
Humihingi naman ang mga kamag-anak ng biktima ng P196-milyon para sa “actual, compensatory, death, moral, and exemplary damages,” ayon sa naturang ulat ng The Manila Times.
“It was just an initial batch of civil cases we filed against the accused and we are filing a hundred more soon.” pahayag pa ni Acosta.
Photo courtesy via doj.gov.ph
