Nasabat ng awtoridad ang mga counterfeit products na aabot sa halos P590 milyon mula sa isang bodega sa Niog Road sa Bacoor City, Cavite.
Ilan sa mga nakuha ay mga construction supplies, power tools, marine, telecommunication devices, at mga pagkain.
Nakita rin ang dalawang container ng tinatawag na infringing goods at iba pang kilalang produkto.
Inabisuhan naman ng Bureau of Customs ang may-ari ng warehouse at container na magpakita ng importation documents at permit sa mga nakuhang produkto.
Patuloy pa rin ang imbestigasyon ng awtoridad sa iba pang posibleng paglabag, tulad ng Customs Modernization and Tariff Act at ng Intellectual Property Code of the Philippines.
