Nagsagawa ang lokal na pamahalaan ng Cavite City ng isang malawakang clean-up drive matapos ang biglaang paglipana ng mga patay na tilapia sa Canacao Bay, partikular sa Barangay 62-A, noong Lunes ng umaga, ika-13 ng Nobyembre.
Ang pag-usbong ng libu-libong patay na isda ay nagdulot ng masangsang na amoy, na siya ring nagtulak sa maraming residente para magtulong-tulong sa pangongolekta ng mga patay na isda.
Agad na tumugon ang lokal na pamahalaan, katuwang ang Coast Guard at mga tauhan ng Bantay Dagat, upang harapin ang suliraning ito.
Dahil sa matindi at hindi inaasahang pangyayari, marami sa mga residente ang napilitang lumikas mula sa kanilang mga tahanan dahil sa masangsang na amoy na maaaring magdulot ng panganib sa kanilang kalusugan.
Kasalukuyang umuusad na ang imbestigasyon kung saan nagmula ang fish kill habang ang mga patay na isda na nakolekta ay gigilingin para gawing composite.
Thumbnail photo courtesy of Eugine Formalejo
