Ito’y bilang pagkilala ng lokal na pamahalaan ng Kawit sa mga kababaihang natatanging bayani bilang pakikiisa sa darating na Buwan ng Kababaihan sa Marso.
Kasabay nito ang pagdiriwang ng anibersaryo ng kapanganakan ni Hen. Baldomero Aguinaldo.
Ayon kay Mayor Angelo G. Aguinaldo, tampok sa naturang exhibit ang mga kababaihang bayani mula sa bayan ng Kawit tulad nina Gregoria Montoya na nakidigma sa “Labanan sa Binakayan” at Hilaria Del Rosario na naging kabiyak ni Hen. Emilio Aguinaldo na nagsilbi at nangalaga sa mga sugatan at may sakit.
“Kaya #TaraSaKawit na! Bisitahin ang dambana ni Hen. Baldomero at kilalanin ang bayaning Filipina,” dagdag ng alkalde.
