BACOOR CITY, Cavite – Nagbigay ng mga libreng gamot ang pamahalaang panlalawigan ng Cavite sa mga residente ng lungsod ng Bacoor sa pamamagitan ng Botika on Wheels (BOW) program.
Layon niton ipagpatuloy ang kanilang adbokasiya sa paghahatid ng mga pangunahing pangangailangan sa kalusugan.
Ayon sa Facebook post ng Provincial Information and Community Affairs Department (PICAD) Cavite, binigyan ng BOW team ng libreng gamot, vitamins at insect repellent lotion ang 1,417 na mga senior citizen at 700 na mga bata sa Barangay Alima, Sineguelasan, Banalo, Mabolo 1, Mabolo 2, Mabolo 3, at Dulong Bayan.
Samantala, matatandaang binisita rin ng BOW team ang Barangay Camposanto, Digman, Kaingin, Maliksi 1, Maliksi 2, Maliksi 3 at Poblacion noong Pebrero 26 at ang Barangay San Nicolas 3 noong Pebrero 19.
Mainit na sinalubong ang BOW team ni dating City Councilor at head ng Office of the Senior Citizens Affairs Atty. Venus de Castro kasama ang mga barangay health worker, barangay nutrition scholars, mga kapitan at kagawad ng mga barangay.
