Aprubado na sa ikatlo at huling pagbasa ang panukalang batas na layong magbigay ng P1 milyong cash gift sa mga Pilipinong centenarian na aabot sa edad na 101 taong gulang.
Canva
“The House of Representatives would like to honor our countrymen for their years of service to the country and for their discipline in ensuring that they live a long, healthy and fruitful life,” ayon kay Speaker Ferdinand Martin Romualdez.
Bukod pa rito, layunin din ng House Bill No. 7535 na mabigyan ng cash gift na nagkakahalaga ng P25,000 ang mga senior citizen na nasa edad 80, 85, 90, at 95.
“We also want our octogenarians and nonagenarians to enjoy this benefit while they still can without having to wait until 101 years old so we also provided a cash gift for them,” dagdag pa ni Romualdez.
Ayon pa sa Kongreso, sakaling maipasa bilang batas, pangungunahan ito ng National Commission of Senior Citizens.
Dagdag pa rito, layunin din ng naturang panukalang batas na amyendahan ang Republic Act No. 10868 o ang Centenarians Act of 2016 na may mandatong magbibigay ng P100,000 sa mga senior citizens na aabot sa 100 taong gulang.
