Kinumpirma ni Boy Abunda sa kanyang talk show na “Fast Talk with Boy Abunda” na hiwalay na ang magkasintahan na sina Bea Alonzo at si Dominic Roque.
“Ako’y nalungkot ho talaga dahil madalas, ‘pag nagkikita kami ni Bea ay nagkakakwentuhan ho kami tungkol sa buhay, tungkol sa kanila, their marriage plans, etcetera. So, I was shocked,” saad ni Abunda.
Inilahad rin ng King of Talk na sinauli na umano ni Alonzo ang engagement ring nila ni Roque.
Dagdag pa rito, naging matipid si Alonzo sa pagsagot sa mga tanong tungkol sa plano nilang kasal dahil sobrang busy umano ng kanilang schedules.
Matatandaang na-engage ang dalawa noong July 18, 2023 sa Las Casas Filipinas de Acuzar sa Quezon City. Taong 2021 naunang mapabalitang naging magkarelasyon ang dalawa.
