Sa pagpapatuloy ng vaccination program sa Imus, inaasahan ng pamahalaang lokal na mapapataas pa ang bilang ng mga mababakunahan sa lungsod.
Ayon sa Facebook post ni Mayor Emmanuel Maliksi, nasa 212,551 na ang nagamit para sa unang dose ng bakuna at 178,475 naman sa ikalawang dose. Sa kabuuan, may 391,026 doses na ang naiturok sa mga mamamayan nito.
Bilang paghihikayat na makiisa ang mga residente nito sa kanilang vaccination program, pinapayagan rin ang mga walk-in sa kanilang mga vaccination sites tulad ng Imus Sports Complex, Maharlika, at Drive-thru sa Robinson’s Place Imus.
“Sama-sama nating ituloy ang pagsulong sa ating layuning makamit ang herd immunity sa Imus. Maraming salamat po sa inyong patuloy na pagtangkilik sa ating vaccination program,” wika ng alkalde.