Kinagigiliwan ngayon sa social media matapos Ma-promote bilang corporal ang isang K-9 dog na si “Tiger,” isang shih tzu-poodle mix ng Rizal Police Provincial Office.
Kasama si Tiger ng mga pulis tuwing rumeresponde sa mga operasyon. Isa siya sa 200 police personnel na ginawaran ng promosyon sa Taytay, Rizal.
“Lubos na tuwa at galak ang hinatid ni Tiger sa lahat ng na promote na personnel at pamilya na kasama at nagdagdag ng kasiyahan sa lahat ng dumalo,” ayon sa post ng Rizal Police Provincial Office.
Ginawa ito bilang bilang pagkilala sa dedikasyon at kahanga-hangang paglilingkod ng mga tauhang nagpakita ng natatanging pagsusumikap sa pagpapatupad ng batas.
Ayon rin sa PNP ay may kabuuang 33,143 na tauhan ng pulisya sa buong bansa ang na-promote sa mas mataas na ranggo.
Photo 1-4: Rizal Provincial Police Office
