Pinakilig ng OPM Rock Band na Orange ang Lemons ang mga Kawiteño sa isang handog na post-Valentine celebration ng lokal na pamahalaan ng Kawit.
Matapos nito, nagpasalamat naman ang naturang banda sa mga dumalo sa concert.
“Salamat Kawiteños! Ang saya nun,” pahayag ng nasabing banda.
Bukod pa rito nakisaya rin sa “Love It, Kawit: Valentine Concert” ang mga bandang Project Romeo at Tothapi.
“Sana ay kinilig kayo sa handog naming concert para sa inyo! Maraming salamat sa Project: Romeo, Tothapi , at Orange & Lemons na nangharana sa ating mga kababayan sa ating Love It, Kawit: Valentine Concert,” pahayag ni Mayor Angelo Aguinaldo sa mga Kawiteño.
“Higit sa lahat, maraming salamat sa mga kababayan natin at sa iba pa na galing sa iba’t-ibang bayan na nakisaya sa atin,” dagdag pa niya.
