P50K entry salary kada buwan, hirit ng Pinoy nurses

Muling nangalampag nitong Miyerkules, April 12, ang grupong Filipino Nurses United (FNU) sa labas ng Philippine General Hospital (PGH) na itaas ang sahod ng mga nurse sa P50,000 na basic salary kada buwan.

Muling nangalampag nitong Miyerkules, April 12, ang grupong Filipino Nurses United (FNU) sa labas ng Philippine General Hospital (PGH) na itaas ang sahod ng mga nurse sa P50,000 na basic salary kada buwan.

Sa isang pahayag, sinabi ng FNU na makakatulong umano sa pamumuhay at kalusugan ng mga nurse kung pagbibigyan ang mungkahi na “entry salary” na P50,000 sa pampubliko at pribadong nurse sa bansa.

Sa kasalukuyan, higit sa 100,000 nurses sa pribadong sektor ang sumasahod ng P537 kada araw sa Metro Manila na mababa kung ikukumpara sa minimum wage sa National Capital Region (NCR).

Samantala, nasa P35,000 lamang ang minimum salary ng mga nurse na nasa pampublikong ospital na bagaman mas mataas ay matindi naman umano ang sakripisyo nila dahil sa rami ng trabaho at pasyente.

Naglabas ng hinaing ang grupo sa gobyerno na maging makatao ang working environment at itaas ang pagpapasahod upang hindi mapilitan ang mga nurse na mangibang-bansa.

“Lahat kami sa government at nurses sa private sector ay medyo hirap talaga kaya ‘di niyo kami mapipigilan na umalis ng bansa kasi mas mataas ang ino-offer nila sa amin,” saad ni Ivan Paguio, pinuno ng FNU-San Lazaro Hospital.

Nagpakita naman ng pagsuporta si Health officer-in-charge Undersecretary Maria Rosario Vergeire sa panawagan ng mga nurse at iginiit sa Department of Budget and Management at mga mambabatas na gumawa na ng hakbang para maisabatas ito.

Ang aktibidad ay parte lamang ng 3rd National Congress ng FNU.

Thumbnail photo courtesy of Mike Alquinto

Total
0
Shares
Related Posts
Read More

Senate OKs Carmona cityhood bill

The municipality of Carmona, the richest town in the Philippines, is now a step closer to attaining its state of becoming the eighth city in the province of Cavite after the Senate approved its cityhood measure on its third and final reading.