Halos wala nang natira sa warehouse ng mga damit at bisekleta sa Potol Kawit, Cavite matapos itong lamunin ng apoy noong Nobyembre 4 ng gabi.
Photo courtesy by Mayor Angelo Aguinaldo
Ayon sa inisyal na imbestigasyon ng Bureau of Fire Protection – Kawit, bandang alas-10:30 ng gabi umano sumiklab ang sunog at umabot sa ikalawang alarma ang apoy.
Naging pahirapan umano ang pag-apula dahil mabilis itong kumalat dahil sa mga damit at telang nakaimbak rito.
Umabot sa pitong oras bago nakontrol ang naturang sunog dahil na rin sa mga gulong na nasa loob ng warehouse.
Nasa 51 firetrucks naman ang dumating upang apulahin ito.
Nasa 51 firetrucks ang dumating upang apulahin ang sunog sa isang gusali sa Potol Kawit, Cavite kagabi. Umabot umano sa…
Posted by The Cavite Rising on Thursday, November 3, 2022
Patuloy pa ring nagsasagawa ang BFP ng mapping operations upang alamin kung magkano ang kabuuang pinsala maging ang sanhi nito.
Wala namang nasawi o nasaktan sa naturang insidente.
