Libre ngayong 2024 ang franchise renewal ng tricycle sa Kawit, Cavite, ayon kay Mayor Angelo Aguinaldo.
Alinsunod ito sa Municipal Ordinance No. 28-24, Series of 2024 kung saan lahat ay libre at ang iba pang charges para sa renewal ng tricycle franchise sa buong taon.
“Para sa ating mga kababayang tricycle operator at driver, nabigyang aksyon na ng Sangguniang Bayan ang mungkahi natin na ma-waive na para sa taong ito ang tricycle franchise renewal fee,” ani Aguinaldo.
“Para naman sa ating mga kababayan na nakapag-bayad na, huwag po kayong mag-alala dahil ililipat natin next fiscal year ang regalo naming ito para sa inyo,” saad pa ng alkalde.
